Юуны өмнө анхныхаа орлогийг гар дээрээ авах боломжтой болж байгаа орчуулагч нартаа баяр хүргэе! Өнгөрсөн цөөхөн хоногийн хугацаанд та бүхэн олон зүйлсийг амжуулсан байна.

Анх орчуулгын хэсэг нэмэгдсэнээс хойш нийт 15 орчуулагч өөрсдийн авсан кинонуудыг орчуулж дуусгасан байна. Эдгээр орчуулагчдаас хамгийн багадаа 100 төгрөг, хамгийн ихдээ 14,450 төгрөгний орлого олсон байна.

Та бүхэн нэмж кино орчуулах тусам цаашид Банжиг Видео үйлчилгээний хүрээ өргөжих тусам орлого тань улам нэмэгдсээр байх болно гэдгийг бид амлаж байна. Учир нь Банжиг.Нээтийн зүгээс яг одоо Банжиг Видео үйлчилгээндээ онцгойлон анхаарал хандуулж байгаа билээ.

Та бүхэн өөрсдийн орлогийг Миний булан хэсэг рүүгээ ороод Миний орлог хэсгээрээ орж үзээрэй.

Та тухайн сарын 24 дуустал олсон орлогоо тухайн сарынхаа 25-31 хооронд авах боломжтой бөгөөд энэ хугацаанд амжиж аваагүй орлогоо хадгалагдаж байгаад дараа сарын орлоготой нэгтгэгдэн дараа сарын 25-31 хооронд авах боломжтой болох юм.

Орчуулагч бүр өөр өөр улсад байгаа учраас орлогийг ямар байдлаар олговол зүгээр тухай та бүхний саналыг авах гэсэн юм. Орлогийг мөнгө байдлаар болон, Банжиг дансны нэгж байдлаар олгох боломжтой юм.

Цаашид улам нэмэгдэх учраас та өнөөдрийн мөнгийг бага гэж голж болохгүй шүү гэж хэлмээр байна.